歐洲七國車河遊 10

瞓醒食翻個豐富早餐先!

今日繼續阿姆斯特行程，先去遊下船河，沿運河途觀光

遊到咁上下就去參觀鑽石工場。今次同我地講解嘅係一個識講廣東話嘅職員，佢話D石可以切割到百幾面喎；幾多面都無用啦，我都買唔起!

同靚太團友影翻張相先！

隻船沿住四通八達既運河穿梭

見到每幢屋頂都有呢舊鐵既? 領隊哥哥解釋話要黎搬大件傢具入屋喎! (又幾聰明喎!)

黎到呢刻，影張大合照先，男子組和女子組各一張! (中間兩位男仕就係我地領隊哥哥同司機叔叔嘞!)





入荷蘭當然要睇風車啦! 而最理想的去處之一就是桑斯安斯。從阿姆斯特丹往北15公里，便可看到Zaandam區的風車朝氣蓬勃地轉動著。

據聞荷蘭男人在結婚娶妻前，一定要學會如何做木屐，來證明自己有賺錢養家的能力，所以結婚典禮中，木屐一定不可少的。





當然唔少得芝士啦

趁無人睇倒，車翻幾舊芝士返企先！

D風車係咪好靚呢！



小橋、小屋，好寧靜呀下！



有屐無人着喎，等我着左佢先！

歐洲七國車河遊 9

離開科隆之後就黎到荷蘭啦
荷蘭第一站係自費加遊節目，
去行一條小漁村-華倫丹

呢度就係面對住海景既排屋嘞!
呢d屋仔若果放響香港赤柱，屋價就肯定殺死人！
 


呢間唔知同滙豐有無關係呢？

 

等我又扮下屋主，享受下d悠閒時光先！
 

呢雙鞋仔好別緻喎!
鞋面o既數字就係間屋o既門牌號碼!幾有心思丫！

呢度氣氛悠閒，老爺好喜歡喎！


碼頭側邊仲時不時有d海鷗之類o既雀仔
飛落黎搵食添！


沿住海邊行，一路都會見到呢d屋仔

天色都唔錯丫！

領隊哥哥叫我地一定要試下呢度d小食，
呢樣唔洗你教，老爺一定會落力捧場!

 

呢度d野響歐洲黎講算係十分相宜，
一蚊歐仔有交易，仲係三文魚喎，
響第度真係搵唔番！
 

老爺買左一蚊魚，四蚊蝦，
咁就整翻餐路邊海鮮餐先！味道都唔錯喎！



好啦! 遊左一輪之後，又夠鐘要上車走人啦!
下一站去荷蘭首都阿姆斯特丹 ，聽講會去行紅燈區喎！

到左阿姆斯特丹，先黎個午飯先,
後面就係我地會響度開餐o既餐廳啦!

今餐算唔錯!
(千祈唔好有期望; 咁就唔會有失望嘞!)


食飽去行街咯! 領隊哥哥帶住我o地呢班
有老有嫩o既鴨子穿街過巷，話去尋寶喎
 

原來佢帶我地去睇窗口女郎喎！真不愧為紅燈區!雖然有d兒童不宜，但總算係見識下啦！老爺一路睇仲一路流鼻血添！礙於唔俾影相，所以各位有興趣就要自己去睇嘞!

睇完野就行番出大街繼續行程

路邊見到呢架洗街清潔車，
有兩個掃把係車頭係咁碌，好似幾有效率喎!
 


d牛牛點解走晒上天花板架！

呢隻木屐周街擺，等我捐入去當船仔坐下先！