陪老爺巡視華東(3c)

第三日 ： 上海(南京路)

 

下晝行完「西市口」，大隊就返左酒店稍事休息，到左五點鐘再次出動，今次o既目標係南京路，因為今晚黑星隊長約左佢響上海o既兩個靚女同事一齊響南京路食川菜，我地就順便去遊下上海南京路五光十色o既一面！

 

佢地公司係咪個個都係高人黎架？阿星拍埋靚女同事度，都係高得些少咋！

 

佢地係辣人一族，所以見倒呢d水煮牛蛙唔洗嘩嘩聲！

 

呢兜雖然話係照顧我地廣東人，但係酸菜魚都有幾隻辣椒浮響湯面

 

酥炸排骨唔多辣就自然放響我地果邊啦！

 

酸辣土豆絲都幾辣吓架！(係我至愛!!)

 

呢個就完全無辣嘞，啱晒我地！(夢夢鍾情!)

 

炒雞脾菇我都未踫過就唔見晒咯！(法師食晒!)

 

竹笙魚腐都幾好味！呢餐本來由我地請就最好，但係派阿星出去爭埋單，佢竟然爭唔過兩個靚女，結果要我地無端端俾人請食飯！雖然話係二百幾，但係唔好意思丫嗎！

 

食完飯，落街睇下南京路繁華o既夜上海係點o既先！

 

D古舊建築襯埋燈光，的確又係幾好睇！唔怪得就算係星期一都咁多人行夜街啦！

 

我都霸翻個位影翻張先！似唔似黐落去呢？

 

行下行下，行左大半個鐘就出到外灘，本來好令人震撼o既外灘夜景，宜家為左出年舉行o既世博會正在進行大事粉飾，所以全部圍起黎攪裝修，咁就就大為失色咯！要睇外灘完美o既一面，就要等出年五月至有得睇咯！

陪老爺巡視華東(3b)

第三日 ： 上海(西市口)

 

響「五谷豐登」食完一餐遲來o既午餐，埋完單影完相，出巡隊伍就響呢個「西市口」區巡視下，呢度算係上海o既舊區，街道狹小商鋪古舊，睇黎應該屬於上海中下層市民生活o既地方，大老爺就最鍾意響呢d街仔度捐黎捐去，我地成隊兵就唯有跟佢一齊巡區啦！

 

 

舊區呢度好多兩三層o既屋都已經夠鐘，等住拆咯！

 

但係都仍然有d好骨子o既舊屋屹立不倒，呢間屋o既牆紙都算靚路卦！

 

呢條街充滿生活氣息，同我地住果區完全唔同

 

生果鋪賣d杮子都有幾種

 

雖然我唔鍾意食柿，但係見佢地個樣紅成咁，又覺得幾吸引喎

 

吸引夢夢o既係另一種紅色，就係呢d……係咩黎呢？唔好答蘋果呀吓！

 

米通都有好多樣！

 

行街市又見倒我地響烏鎮食過o既白水魚

 

陽澄湖大閘蟹賣三十幾至七十幾一隻，比我地樓下果檔貴左一d

 

呢度煮好上埋枱都係9蚊一隻咋！

 

呢度排大隊又做咩呢吓？銀行有問題定係排隊買股票？

 

原來係買上海人o既主要食糧 – 包點！

 

條街行得幾步就有一間賣包o既

 

價錢仲好相宜添！

 

食得包多係咪會變肥呢？等我地搵個上海市民訪問下先得！佢件衫同我同色，就訪問呢個啦！

 

佢個樣好卡通，成個小型「阿輝」咁款！佢表示要keep fat除左要成日食包之外，仲要不停咁食「克巧力」，即係朱古力呀！

 

佢個樣係咪好cutie呢！

 

大老爺見街邊有個阿毛響度賣花，又八卦走去影人地，就係為左呢張相，大老爺俾阿毛追住黎鬧左好耐，佢話老爺攝走左佢個靈魂喎！

 

姐妹情深，朝見口晚見面都要煲一輪電話粥至舒服！

 

煲完粥就安樂晒！

 

呢d脆麻花好勁喎！

 

要炸得咁靚，哥哥要好俾心機，慢慢放d面條落鑊炸至得架！

 

陪老爺巡視華東(3a)

第三日 ： 上海 (五谷豐登)

 

黎到上海，因為大老爺有朋友招呼住宿，所以我地會響呢度停幾日至北上南京，期間無所事事，老爺就巡視下上海d舊區，順便搵下有咩好野食。

今日本來一心想去搵網上有人介紹o既「佳家湯包」，但係跟住指示坐地鐵去到，捐上捐落都搵唔倒果檔野，結果我地就隨意發揮，遇倒順眼o既就食一餐啦，今次撞上去o既呢間「五谷豐登」都算唔錯喎！

一早起身，響呢間位於新天地三十幾樓o既服務式公寓四圍望落去，又幾舒服吓喎

響酒店食完個好簡單o既早餐，就坐地鐵向上海o既舊區進發

上海宜家籌備緊出年五月舉行o既世博，都可謂全城投入，連地鐵飛都有世博套裝

望吓上海o既地鐵路線圖，發展到成個蜘蛛網咁，都可謂成熟地鐵o既典範

我地本來要搵一檔網上介紹o既「佳家湯包」，但係指示好模糊，淨係話地鐵站出左黎行落斜路轉過彎就到喎！我地搵左好耐都不得要領，到左兩點幾個個都餓到咕咕聲，最後就上左呢間野度撞吓手神

大老爺打開個餐牌指下呢樣指下果樣，直到個靚女服務員話：先生，你已經點左四樣涼菜路喎，洗唔洗點d熱葷呢？大老爺呢個時候至如夢初醒去點其他菜！所以我地今餐就有四樣冷盤嘞，呢度係其中兩樣：手撕雞同心太軟，兩樣都唔多掂！

再黎呢個南乳炸排骨又硬又乾，都係唔掂！

捱左三記悶棍，以為今餐係咁先嘞！好彩跟住漸入佳景，再黎呢個涼拌雞脾菇就非常掂，香軟得黎又惹味！

涼菜部分3叉1剔，算係唔合格

到左熱葷上枱，首先o既係蟹粉蒸旦，買相都幾好！

D旦都蒸得幾滑，但係主角o既蟹粉就麻麻啫，無咩蟹味！唔值四五十蚊！

再黎o既平價貨反而幾好，呢個鬼馬炒牛肉廿零蚊做得唔錯，油炸鬼香脆馬蹄夠爽，牛肉入味又唔靱，呢個掂！

呢個野菜煎旦餅賣十零蚊，賣相討好！

入面果d唔知係咩菜黎，食落普通啦

乾煸四季豆就做得出色當行，豆身夠乾，肉碎啱味

煎旦大白菜略嫌個汁稀左d。今餐唔知攪乜鬼大老爺點咁多旦o既！

最後仲有小籠包添！

呢餐叫左超過十樣菜，埋單都唔使三百，算係幾抵咯

D野多得滯，食唔晒就攞黎玩，首先響荷包旦上面加兩粒紅棗，咁個荷包旦都無咁自卑丫！

呢對手咁o既手勢，唔知佢又想點呢！

頭先我地上黎果陣人山人海，原來啱啱做緊一個團，宜家佢地走晒不特止，仲係全場淨底我地一枱客幾個人，咁就可以慢慢望清楚下呢度o既地方

呢度佈置都幾有型有款架

空框框剩得我地幾個包場

仲可以四圍影下相先走添