歐洲七國車河遊 8

食完個早餐時, 見到呢位靚女侍應, 法師拿拿聲叫我企埋去同佢影相!
我相信係法師自己想影至卦!

離開呢間酒店，陣間探埋科隆大教堂，今日就要離開德國

科隆大教堂係全球數一數二嘅大教堂，外表睇黎就黑麻麻兼岩岩蠶蠶，感覺好污糟，但係佢外牆d石公仔又做得栩栩如生，響教堂入面d彩色玻璃窗就最為吸引 !!







 

我身為教徒，除左祈禱外；當然要做多D野啦!

教堂外有d人全副武裝，企響個箱上面黎吸引遊人影相，但梗係要俾錢啦!




我同法師除左睇教堂之外，仲把握時間，行左黎呢間博物館, 但由於時間緊迫無入到去，只係響門口影左呢d藝術品!

再行遠d, 就到左大街嘞!

行行下，係櫥窗見到呢個靚女。靚女，唔該望下鏡頭!
OK!得佐!
法師手起機落又影低左佢。

遊遊下見到呢間餅店, 佢地d人仔餅又幾得意喎!!

歐洲七國車河遊 7(b)

海德堡 {延續篇}



歐洲個天真係特別藍！

佢地又出黎晒嘞！




地大、人少、車疏！

歐陸風情

歐洲d餅就好靚嘞! 但唔知好唔好食喎?
(唔好問我，因為我忌甜!)




不過睇落就幾靚！

黎到德國，就梗係要食德國咸豬手啦!!

但食落就真係令人好失望！賣相就好掂，但趙落皮厚兼肉實，叫做試過就算啦! 德國啤酒亦都係同等貨色！

反而最後呢個甜品又意外咁好喎!

好嘞! 食完飯又要返歸咯！

今晚住果間酒店響好遠郊區，呢d路都行左個幾鐘！

歐洲七國車河遊 7(a)

食完個Dinner瞓醒一覺又再出發咯!

今日去德國o既 - 海德堡

一路藍天白雲，天氣相當唔錯！

啡色牌呢d係名勝遊點，唔知係乜家伙呢？




呢度係一個小鎮，四圍都係步行街，環境舒適，氣氛悠閒

路邊仲有好多露天架啡座，d鬼都係鍾意晒！




天氣唔錯！








聖靈教堂 ﹝Heiliggeistirche﹞








跟住老爺遊下遊下黎左呢個好出名既[內卡橋]，響橋頭有隻銅馬騮，據領隊哥哥話，如將個頭貢入馬騮身度，然後再將左手摸住隻銅碟影翻張相，就有機會再黎呢處，兼會發達添喎!信不信由你啦!  (後記：死馬騮丫！六合彩中得一個字！)

影完相望上山邊，就會睇到一堆古堡，但聽領隊講話果度已經無吸血殭屍，因為變左做大學！

兩岸景色真係幾正，難怪阿加斯同嘉芙會響度買屋啦！



有隻遊船遊緊埋黎喎

老爺見隻船咁正，流晒口水咁話：如果我地上呢隻船遊河就好啦！