奀豬師太 Blog: 陪老爺巡視華東(4b)

第四日：上海(昆山，陽澄湖)

話明黎陽澄湖食蟹家麻！點解蟹影都唔見o既？哦，係因為相片太多，分開上下集放啫！宜家咪有蟹睇囉！

我地叫左呢度o既平價貨，但係都要70蚊一對，我地要左三對

有仔又有女

D蟹女好似身價矜貴d喎！

蟹后夢夢見倒佢o既至愛，自然眉開眼笑，仲笑得幾燦爛添!!

我都整翻隻先！

但係…開左蓋之後，d膏好似淡色d喎…

呢隻好些少啦！

個蓋都幾飽滿

呢隻就合格嘞！

咁先似樣家麻！六隻之中以呢隻最好，但係有一隻無上到鏡，因為一開出黎係青膏o既，完全唔合格，經過阿星同夢夢商議之後，就搵人黎攞隻蟹去俾老板睇，要佢換過另一隻黎。擾攘一翻之後，佢地卒之都肯換

事後阿星總結，話呢次專誠黎陽澄湖食蟹，見倒d生態環境咁差，出品又唔係好掂，令佢好失望喎！我仲慘啦，今日成日腰酸背痛，食龍肉都無味！

但係大老爺雖然話瞓得唔好，又鬼打無咁精神喎！

夢夢就歸心似箭，成日望住我地叫果架白牌車到左未，卒之都等唔到佢黎，因為等左半個鐘之後，一架去火車站好疏落o既巴士就響呢陣時出現嘞，夢夢唔理大老爺話約左的士黎接我地就等多一陣o既勸告，唔理三七廿一就一馬當先衝左上架巴士度。就係咁甩左個的士佬拖，累佢空車走左一轉，事後仲俾佢猛咁發短訊黎媽叉左一輪添! (因為個電話係法師聽o既，所以攪到法師有一段小時間唔開心添喎! 係處對法師講聲sorry!)

出到火車站，響山卡啦地方動車都係照舊要買到個幾鐘之後至有飛，我地無乜心機等，卒之又上左架白牌車，點知行行下先發覺個司機仔完全唔熟上海o既街道，佢連新天地響邊處都要四圍問人！本來等佢搵下路我地都無所謂，但係佢好黑仔，臨入到市區收費站之前遇倒大塞車，佢響果度俾後面架車踫左一野，佢白牌車違規載客自然唔敢同人力爭合理賠償，講得一陣就悻悻然上番車，但係佢個心又唔服氣白白俾人隊左一野，佢就一路追住人地架車指手劃腳，人地自然唔睬佢啦！期間我地就跟住佢架車左穿右插展開追車大行動，攪到險象橫生！大老爺見勢色唔對，就響一個紅綠燈位示意全隊落車，等佢吉車去追討公道，個司機仔咁激動，都唔知有無再撞多一鑊添喎！