由廣州食到中山 (2)

落到中山，除左四圍買下平野之外，不外乎都係食、食、食啫，所以完全無影到其他野。夢居宜家裝修過，整得好靚，但係版權問題，又唔可以響呢度同大家分享，想睇靚屋，問夢夢啦。

黎到三鄉，一落車即刻就要黎大記報到，因為佢d瀨粉實在太正

正菜點可以少？

叉尾魚更加唔可以少！

第二日幫趁左間餐廳仔，水準都唔錯，我地叫左鐵板炆紅衫，粉多左d

呢兜火腿上湯大白菜就好好味嘞

蒸雞咁遲至黎，我地都食唔落咯

到左夜晚，夢夢帶我地去左間好少去o既酒樓食晚飯。餐前小食水準唔錯，雞腳夠冧身，好快就俾我地掃清晒，

勝瓜煮花甲，兩樣都以鮮味取勝，煮出黎好鮮甜

什菌煲夠晒料

生菜保證夠正

仲有豉汁蒸叉尾

呢餐幾個人又食到盡興而歸，所以話黎中山搵食，點都唔錯得去邊。食完呢餐，又要返香港捱過咯！