食住高鐵上武漢(2)
第一次黎武漢，人生路不熟，所以第一件事都係搵地方住落先。坐左巴士入城之後求其搵間賓館住落，就出去開始搵食嘞。
黎到武漢已經三點幾，拿拿聲去巴士站睇下有咩車入城先。武漢站巴士又係亂晒大龍，d人無咩秩序，響大陸都算係正常o既，我地等左一輪卒之上左呢架540
架車行左15分鐘左右，見有間似樣d賓館我地就落車，呢間華坤賓館響武漢都有四五間分店，房間都幾闊落，198連電腦都算幾抵啦
我地響武漢停留左四晚，卒之響呢間賓館度前後住左三晚
跟住就行街街嘞，見有小販賣呢d野，原來係生菱角黎o既喎
仲有d係乾o既喎
因為下晝淨係響火車兩份食左個飯盒，宜家有d餓餓地添，所以就摸左入間好細間o既炸雞店，要左呢隻「武漢第一雞」，呢個名號係老爺幫佢改o既，話係我地響武漢食o既第一隻雞喎
睇下老爺食得幾滋味
無耐隻雞就變成咁嘞
幾錢？睇下咪知囉。全雞+可樂，盛惠人仔16蚊
抖左一陣，黃昏時候再出動，經賓館服務員妹妹指點，我地坐車黎左呢度o既百貨公司區-徐東，呢度有個food court叫做戶部巷，係有名o既食小食地方，後來我地至知呢度係分部黎咋，正巷我地遲兩日會去
入面d小食幾吸引架
老爺都唔知響度睇小食定係睇靚女
呢度雖然有好多款小食，但係我地諗住食左正餐先，所以暫時忍口唔幫襯住
老爺左望右望，卒之揀啱呢間叫做皇爵o既餐廳摸入去，呢味肥腸魚片都幾好味
生菜都合格
我揀呢個炆鴨就唔多掂咯
反為呢個賣16蚊o既蛋黃南瓜粒就好和味，我同老爺爭住食
呢餐埋單108，不過不失咁啦
食完正餐，可以返轉頭去戶部巷幫襯小食嘞！呢個蒸蛋食落好似豆付花
湯包唔錯
大餐小餐都食飽飽，就坐車返賓館。響街口見呢兩母女(？)響度賣d好得意o既冷衫仔，原來係電話套黎o既，阿婆話5個鐘至織倒一個賺翻十元八塊
我見呢d冷衫仔幾得意，咁就當幫吓阿婆，將佢掛響度o既3個現貨掃晒，仲講好聽日再黎買埋佢手上織緊o既紅色果個添
我宜家得翻呢件綠色咋
呢班阿姐都算熱愛運動咯，晚晚都出黎表演街頭舞
多謝你的 冷衫仔 好Q, 好得意.
回覆刪除[版主回覆11/17/2010 19:29:00]你鐘意就得啦！
真的只有你們兩人吃，係真唔係呀 ....
回覆刪除[版主回覆11/17/2010 19:24:00]你唔信呀？搵次你找數請我地兩個盡食一餐 ( 最好係龍蝦啦 ) ，咁你就知我地 o 既真正食力可以去到邊嘞。
呢餐都未算呀，跟住黎有一餐我地食足十幾樣野呀，問你怕未！
老爺都唔知響度睇小食定係睇靚女...Both la!! The phone carrier is so special!! Great choice! The food are...always so nice and tasty looking!
回覆刪除[版主回覆11/19/2010 20:13:00]手機套賣幾蚊一個純粹係人工錢啫，咪當氹下阿婆開心囉！我買晒佢 d 貨佢真係幾開心架！
響內地食野的確係又平又靚，比香港已經優勝一倍，比你響加國就更加無得比啦！
果然係好食力，頭半日己經食咗咁多嘢！
回覆刪除[版主回覆11/19/2010 20:08:00]
好戲在後頭呢！
好食得喎...
回覆刪除[版主回覆11/19/2010 20:07:00]麻麻地啦 …
PS...Mr. Wong looks the same as the last time we met! he never aged!!!
回覆刪除[版主回覆11/19/2010 20:05:00]佢真係無咩腦架！
不過身子就弱左，呢兩日又感冒嘞！
祖國酒店房間都興用外置式空調機? 肥腸魚片...正!!見到肥腸就 ; 辣唔辣的? 呢度雖然有好多款小食，但係我地諗住食左正餐先，所以暫時忍口唔幫襯住 食完正餐重可以整籠湯包、蒸蛋---
回覆刪除[版主回覆11/19/2010 20:06:00]係呢間係咁咋，第間都唔見話用呢種空調 o 既。
肥腸魚片有少少辣，兩樣野配搭得幾好，幾和味架。
正餐加小食，響老爺黎講只不過係小菜一碟啫。