食住高鐵上武漢(9)

食住高鐵上武漢(9)

響小食街都無大開殺戒，除左果度d野唔吸引之外，最主要係十二點幾係開正餐時候，我同老爺響戶部巷行出黎就四圍搵食嘞。但係周圍淨係見間食火窩o既似樣d，但老爺又唔多想打邊爐，又多口問下門口個服務員妹妹附近有無其他食店，理論上佢一般啋你都儍，但係呢個妹妹好好人，唔怕倒老細米，只見佢玉手一指，指左我地入對面條巷仔，話入面有一間食小菜o既喎……

跟住妹妹o既指示，我地就黎到呢檔野度嘞

呢度個服務員妹妹好好笑容，老爺估佢得十四五歲，話佢唔夠秤喎，我問過佢，佢笑下話18歲喎

妹妹好好人，見我地兩個人，就介紹左呢個有肉丸有菜又有蛋o既菜俾我地，話一個就夠晒路喎。妹妹介紹呢個菜幾好味架

老爺又點會聽佢點話一個就夠晒數丫！佢連隨又叫多一個炒菜，妹妹話呢d係平時我地食果d窩笋o既葉黎喎，平時呢截我地唔會食，響呢度又炒埋上碟添

老爺望下望下個菜牌，又點多兩樣添，杭椒炒肚絲，d杭椒幾辣下架

菜花炒腩肉，又係老爺個人表演

加兩罐可樂，呢餐總共要……69蚊人仔，超值！

食完飯行出黎，估唔倒呢度都遇倒…法律援助…忽然好似要返工咁添

食完飯，老爺上左架巴士，問佢去邊，佢又話唔知，卒之黎左呢度，叫做光谷步行街喎

呢度打橫打直成十條街咁滯，都係d中高檔做後生仔生意o既鋪頭

我地都行左一輪，響度食左一兜辣雞腳

走果時坐車出去武昌火車站買回程高鐵票，途中見倒呢個招牌好得意，唔係賣狗肉大果個呀……係細細個話泰式洗「車」果個呀！泰式洗頭我知係乜，但係泰式洗「車」又點洗法呢？抓頭！

買好高鐵票，又專登坐的士去翻香港路果便食晚飯

呢餐就好麻麻啫，幾樣菜都無咩邊樣讚得落口！嘥晒我地d的士錢！

豆付仲唔多夠熱添

但係埋單仲貴過下晝果餐喎，要77蚊