響邦咯島好悠閒咁過左兩日，今朝執好野預備返吉隆坡。尋晚行雷閃電落足一晚大雨，今朝個地下仲係濕濕地。八點落去食完早餐就離開酒店坐的士出碼頭，坐9:15船過返紅土坎，呢度好多間巴士公司有櫃位賣去吉隆坡o既車票，老爺揀左間紅色o既以為鴻運當頭啦，買好10:30車票就響度等巴士，期間但見其他公司o既車開完一架又一架，呢間野就總係無車，老爺10:45走去問個賣飛肥佬，佢話架巴士響第度開緊黎喎，其實開10:30都已經係遲過人地架嘞，但係仲要誤點成廿幾分鐘都仲未見車影，過多一陣，老爺再去搵個肥佬理論，嘈左佢一輪之後，佢卒之肯退翻錢，老爺就走過隔籬買過其他公司o既車票。
佢老板丫，呢個時候架紅色車就到嘞，仲要開先過我地後來買票果架添！不過點都好，三點半卒之平安返到吉隆坡BUKIT JALIL車站。但係因為唔熟路又虛驚左一場，架車經過市區停左一站我地無落到，之後架車又上翻高速路，再行左成半個鐘，好似一直向馬 六甲 方向駛去，我地仲以為坐過龍添，好彩最後都係停翻響BUKIT JALIL車站。
落車老爺話想試下住其他區，我就話住翻唐人街好d，話晒都識d街道同鋪頭，搵食都易d丫。我地跟住就轉地鐵返Masjid Jamek，四點幾落車好肚餓，行完一輪又行錯路，卒要坐的士返唐人街，成四點幾鐘至黎到唐人街，而且仲未食下晝飯添，響度求其搵間野食左午飯先，我揀左間以前幫趁過o既，叫左蝦炒旦、什菜、炒飯，食飽跟住就搵地方住，我一睇對面有間5 Elements，門面都算唔錯，呢度10樓以上分成金木水火土五層特別樓層，d房會貴d，宜家佢俾左10樓我地住，唔洗加錢。
響度瞓左一陣休息下，到六點幾就坐的士去阿羅街再食黃細華d魔鬼魚。
坐左幾個鐘車返到黎吉隆坡，響市區停左一站我地唔熟路無落車
返到唐人街，我揀呢間5 Elements，佢勝在房間新淨
佢d電梯又有型
走廊濶落
我地間房響十樓，視野唔錯
十樓再對上o既金木水火土樓層就要加錢架罅
樓下大堂仲有好多新年布置
門口d假桃花好靚呢
夜晚我地又再訪亞羅街
因為黃亞華d燒翼實在令人回味
You look very tired in those pictures!!
回覆刪除[版主回覆05/17/2011 11:35:00]其實去玩都幾攰架！