因為聽日就要返H.K.，所以表姐話再整餐好野我嘆喎!
佢仲搵埋德哥一家黎聚下舊添!!
又係一次好開心o既聚餐!!!
以下呢幾張相係我秘密潛入廚房影o既!
表姐唔知架!! 偷下師先!!
好啦! 預備得七七八八啦! 喂! 埋位啦!!
特別要介紹呢個糯米釀雞翼, 因為我家老爺話好好食喎!
我就無乜胃口嘞!
我都話星馬菜會令我減磅架啦!
又黎一度令我家老爺連汁都嘮埋o既茄汁大蝦!
(我一隻都無試 ! 都唔知咩味添！ )
呢個係正宗亞參魚, 老爺讚不絕口喎 !
(嗱! 唔好問我好唔好食呀!)
呢個係馬拉唔知咩牛柳, 但我唔知係乜喎! 皆因我又無試到！
我見老爺連趙四五件，都應該唔差得去邊！
當然唔少得o既老火靚湯啦
埋位! 埋位! 無餸都要食飽飯 !
飯後黎翻張大合照 !!
臨上機前, 表姐唔怕麻煩要整一餐叻沙俾我食,
因佢知我勁喜歡食叻沙! 哈!! 多謝, 表姐!!
除左叻沙外, 再黎多個大菜糕添!!!
(好靚吖! 內有士多啤梨 & 荔枝)
好嘞! 要收拾心情返香港再捱啦!
bye bye 星加坡,
But sure I will be back!!!
