新馬兩頭行 (3.2)

D3  馬六甲

 

花車遊景點-

     福爾摩沙古堡

     聖保羅教堂

獨立紀念館

馬六甲古街

古城雞飯粒

 

包左兩個鐘花車遊河，梗係要把握時間去多d地方啦。行得一陣，就黎到呢隻響馬六甲河側邊o既葡萄牙戰艦，初初唔醒就俾個車伕點左入去參觀，除左要俾3蚊入場費之外，最浪費就係響度用左成廿幾分鐘

 

裏面不外都係介紹一d舊時葡萄牙響東南亞擴展勢力時期o既資料咁囉

 

仲整左d船員假人添

 

船長室

 

睇完葡萄牙戰艦個車伕就車左我地黎呢度睇飛機大炮

 

連蘇丹o既座駕都有

 

1956年馬來西亞獨立宣言就係響呢個獨立紀念館度宣讀o既

 

聖地牙歌古堡係福爾摩沙古堡o既一部分，係葡萄牙人響1511年所建，後來到左荷蘭人話事果時幾乎俾人拆為平地，好彩及時得有識之士出聲話要保留，至可以留翻呢個古堡大門口俾大家睇下

 

登上小山丘望翻落黎

 

呢度仲有矇面超人兼職做剪草工人

 

小丘上面o既聖保羅教堂都係淨翻幾幅牆

 

入面保存左大量古碑文

 

睇完古堡就返入古街，呢間位於古街入面o既客棧古色古香好有型，係參觀項目之一

 

街上仲有好多呢d騎樓古鋪

 

呢間靚屋都唔記得問車伕係乜黎添

 

最後就黎到呢間好冷門o既工藝店，係專賣亞婆紥腳鞋o既，雖然同老闆一早講明無乜幫襯，但係佢都好落力介紹，話幫唔幫襯都無所謂喎

 

見佢咁好人，都抵同佢做下宣傳，事實呢種手作都無乜人識做咯，佢話阿爺傳落黎佢係第三代，宜家除左中國佛山之外，相信都再無乜人識得做咯

 

遊完花車河，就搵左呢檔好出名既古城雞飯粒試下先，所謂雞飯粒，只不過係將d雞油飯整成一粒粒飯團咁逐粒買，每粒幾毫咁囉，又唔係特別好食丫

 

馬來西亞、新加坡一帶d菜好矜貴，呢碟油菜雖然都係菜框多過菜遠，但都算係大碟，成枱最好都係個魚旦湯

新馬兩頭行 (3.1)

D3  馬六甲

 

娘惹餐

花車遊街

馬六甲河

 

 

今日一早出發，響新加坡坐呢架車去馬六甲

 

落車已經十二點幾，要醫下肚先，就近試下呢間餐廳仔

 

招牌講明係賣地道娘惹菜式，但係又唔識叫，所以就由得後生靚仔o既老闆幫我地點左幾樣。呢樣係佢送ｏ既甜品

 

主菜其中一樣係咖哩，另一樣就唔知叫做乜叉，係娘惹獨有菜式喎，甜甜地又幾好味

 

羊角豆，個汁幾和味

 

呢餐食左38蚊馬仔，若莫等於港銀85蚊

 

飯後靚仔老闆仲介紹我地行入馬六甲古城去投店，雖然佢畫左張草圖俾我地，但係行左一輪都搵唔倒佢話果間酒店，結果就住左呢間

 

算係光光猛猛啦，馬仔148蚊，折合港幣340，都可以啦

 

窗口對正外面有座咁嘢，好似幾得意咁，稍後至知味道！跟住黎o既早午晚，就要領教一下回教寺每日五次召喚教徒頌經o既聲浪，最攞命係一早五點幾六點果一輪！

 

馬六甲古城街景，ｄ街窄窄地幾好行

 

馬六甲河

 

聖方濟教堂

 

紅屋（基督教堂）

 

嬲頭黨與噴水池

 

花車

 

花女

 

專登揀左呢個車伕，貪佢識講廣東話，花車每個鐘45，兩個鐘有折頭，收70

新馬兩頭行 (2)

D2 新加坡

花芭山

 

花芭山旅遊圖

 

一路上山都係呢d木棧道

 

靚草

 

靚花

 

靚人

 

好有森林feel

 

行行下好似去左太平山頂

 

發射塔加左聖誕燈飾，夜晚一定好靚

 

過聖淘沙o既吊車

 

呢度仲有浪玩添

 

原來係條波浪橋

 

有型

 

有款

 

衝浪咯！

新馬兩頭行（1）

十一月去左新加坡探親，順路又去埋馬來西亞玩左幾日，夾夾埋埋去左成半個月，宜家逐日整d相出黎俾大家睇下先。

 

D1　新加坡

唐人街、熟食檔

新加坡河、克拉碼頭、酒吧街

 

 

帶住放飛心情，出發啦！

熟食檔

 

唐人街

對岸就係克拉碼頭

肥雀一隻

 

新加坡少見o既流浪漢

 

酒吧街夜景

廣圳之旅

星期6及日，同財神倫兩公婆返左廣州hea 左兩日；因為秋天交易會之故，酒店住宿都稍為緊張，所以退為其次搵左間有五十年代兼有花樣年華feel既旅館，100蚊人仔邊到搵呀！好！就呢間啦! 跟住財神太就話搵食啦！Go！go！go！晚餐就幫襯「水蛇村」酒家，個個食完都抱住個肚出來。第朝去左沙面散步，聽法師講話以前係領事館區黎，果然係有d歐陸色o既建築物，重幾靚添!!食完個午餐後就乘火車落深圳食我o地晚餐喇! 我o地去左我同法師認為幾好o既『馮記』菜館吃飯，事後財神太都話：好！　晚餐後就結束我ｏ地ｏ既廣深之旅。

心情

近排心情壞透。相公有病；自己工作上又不愉快。唉! 點解!點解!點解! 我和相公之前都歷過很、很、很困難o既日子，但我知道我可以同佢都會順利渡過這段困難o既! 願主可以和我同行!!!