D13 新加坡
今日係行程最後一日，三表姐幫我地約左一d以前無乜見過o既親戚出黎見下面，其中初次見面o既二表哥、二表嫂好客氣，表嫂一見面就送左d香料包俾我地，二表哥下晝仲駛埋架車出黎做我地o既私人柴可夫，載我地四圍去玩，呢日遊左包括東海岸幾度地方之後，又載我地去食左一餐中式自助餐，之後仲堅持要車埋我地出機場添，攪到佢地半夜三更都未有得瞓，真係非常唔好意思！
總結黎講，同五年前比較，新、馬兩地o既物價都漲左唔少，尤其係本來幾抵玩o既馬來西亞，漲幅更加利害，以前覺得馬來西亞同大陸消費差不多，但係今次就覺得過晒頭咯！其中響酒店同食物兩方面洗費最感覺得倒。
食物方面，除左部分地方d雞比國內優勝之外，甚餘就完全無得揮，泡製方法又唔啱口味，佢地多數將d食物用油黎炸，見倒都唔多想食。佢地又唔多注重食物o既新鮮程度，絕大部分海鮮都係瞓覺貨色，就算去到海邊都係咁，若然要食游水海鮮，價錢就比香港貴好多！佢地d青菜又零舍矜貴，價錢比香港仲要貴兩三倍，所以就會有一碟油菜得四條瘦弱菜心出現o既奇景！
其次貴得好驚人o既就係酒店，上次我地住過吉隆坡唐人街果間，今次叫做裝修過下，就由148蚊加到262，漲幅差唔多成倍，都唔好話唔勁！上次我地都係呢個月份黎玩，都無話咩假期旺季，但係今次就唔同，去到浮羅交怡d酒店非常緊張，唔好話要佢減價，就連普通房都話住滿晒，幾乎迫住要入住貴價房添！
交通費都貴左一d，但係就無咁離譜，d車都係略略比以前貴些少啦，反而係飛機因為有Airasia出黎爭客，所以覺得平左添。
行程黎到呢度，十幾日o既新、馬兩頭行又告一段落，下次再黎可能又係三五年之後o既事咯！
朝早約左見過一面o既四表姐出黎傾下偈
下晝二表哥同表嫂駛埋架車出黎陪我地四圍去
佢地帶我地去左行新加坡o既東海岸
呢度都有幾個水上活動中心
沿岸仲有好多椰子樹，d椰子熟左都無人摘，要麻煩d工人當垃圾清理，所以我地經過果時，d工人猛叫我地攞幾個返去
我地就老實不客氣執左幾個，佢地話可以要黎煮餸喎！我就帶左一個細o既返香港
新加坡夜景雖然無香港咁壯觀，但都有佢o既特色
一班親戚送埋我地出機場，攪到佢地三更半夜真唔好意思
樟宜機場都有迪士尼花燈
轉下眼架機就飛到返黎香港境內，呢d小島幾有型喎
行程完滿結朿，又要再捱騾仔咯！
