陪老爺巡視華東(4a)

第四日 ： 上海(昆山，陽澄湖)

 

尋日阿星實牙實齒話，當正蟹季一場黎到華東，幾大都要去大閘蟹o既聖地陽澄湖朝拜一番，見佢咁有誠意，就算我今朝條腰點痛都唔可以話唔同佢去一趟，於是出巡隊伍食完早餐之後，就向昆山方向進發，睇下馳名蟹界o既陽澄湖到底係點o既樣至得！

 

 

大老爺又係半夜三更就醒左，我見佢一早就梳洗好想落街，我就跟佢一齊落去四圍行下。一大朝早睇下上海人o既活動情況都幾得意架，好似呢隻猫o既主人就幾有心思，設計左個咁o既位俾佢活動，雖然窗台地方細細地，但係凍起上黎就可以捐翻入屋裏面，設計都唔錯喎！

 

我地樓下附近都有大閘蟹賣，為起黎每隻都係十蚊左右，認真抵食，一於晏d黎買翻d上去自已蒸翻一餐黎食至得

 

行完一輪返上去酒店，阿星同夢夢都已經醒左咯，同佢地落樓下食完簡便早餐，未夠11點就黎到火車站買飛去昆山，雖然係星期一平日兼且都已經咁晏，但係都要買幾班之後、遲多個幾鐘o既12:04飛，因為「動車」(高速火車)太受歡迎咯！唔知香港第日起好之後會唔會都係咁呢？淨係睇深圳去廣州o既「和諧號」經常爆滿，都估倒應該差唔得幾多咯！

 

動車行左半個鐘左右就去到昆山，但係仲要轉多一輪車至去得到陽澄湖

 

同架白牌的講好價45蚊，大半個鐘就載到我地黎呢度，連隨攞埋佢個電話，等陣若果搵唔倒其他車就再call黎接我地返去

 

呢度完全無第二d生意，一排二三十幢三四層建築物，清一色全部都係呢一類掛正賣大閘蟹o既餐館，都唔好話競爭唔激烈！

 

正在花多眼亂o既時候，阿星不慌不忙響袋度攞左張卡片出黎，原來佢一早已經問人攞定料做好功課，所以我地就黎左呢一間嘞。正門係咁o既

 

後面果截就係咁o既

 

裏面裝修都唔馬虎架！

 

已經點幾兩點鐘無乜其他客人，我地就獨佔呢間大房。窗外面呢個停車場佔地相當大，據講到左夜晚就會停滿晒車好熱鬧o既喎

 

咁遠水路黎到，梗係要睇下d蟹點賣先！都幾靚下喎…d價錢…同我地今朝見果d果然有d分別，聖地即係聖地！

 

黎到大閘蟹發源地，今餐就由蟹后夢夢發辨，響佢點緊菜
o既時候，我地就四圍望下環境先

 

成個陽澄湖就係咁大，食肆就有幾十間，圍住個湖排到密麻麻咁

 

響國內搵銀第一、環境第九o既大氣候之下，呢個大閘蟹聖地o既水質係點，大家可以一齊見證一下！我地陣間食o既靚蟹就係由細到大生於斯、長於斯o既嘞！

 

除左點左蟹外，睇下夢夢仲點左咩俾我地食至得。首先黎
o既係醬炒田螺，味道都可以啦

 

豆付浸雲耳

 

清炒白菜仔

 

清炒野菜，果然夠清爽！

 

醬炒茶樹菇

 

炒飯