陪老爺巡視華東(6)

第六日 ： 參觀朋友廠房、展覽會

 

本來今日就係唱主題曲o既時候，招呼大老爺同我地黎上海玩o既朋友，今朝一早搵架車黎接我地去佢間廠度參觀，行完之後仲去睇左佢地有份參展o既展覽會，但係唔怕細細聲話你知……兩度都好鬼悶，一度就四圍都係機器，另一度就四圍都係人，我連相都無影過一張，所以今日就攞我地住果間服務式公寓o既相出黎充撐下場面。

 

 

大老爺o既朋友有份參展o既展覽會，入面d人迫到行唔郁咁滯，但係入面淨係展出d牙醫設備、醫療用品……悶到抽筋，你淨係睇下呢個姐姐個樣就知有幾悶啦！我建議佢地下次不如加埋時裝、手袋之類，咁無咁悶丫麻

 

既然今日無咩影到其他相，不如就睇下我地響度住左幾日o既服務式公寓啦。呢度係地下大堂

 

一入到去個客廳令人眼前一亮

 

跟住幾日我地就好多時間響呢個廳度hee嘞

 

 

呢度個厨房夠晒闊大，而且設備齊全，平時住酒店就唔會點用架嘞，但係今次停咁多日，我都物盡其用，響度煲左兩次湯

 

呢個係其中一個厠所

 

夢夢一個人就住呢間書房，唔知住左幾日會唔會對佢d雀運有不良影響呢？

 

我同大老爺就住呢間

 

設備唔錯架，不過最可惜就係無電腦囉！

 

都唔知係咪我地犯賤，總係瞓唔慣呢d高床軟枕，大老爺就晚晚都瞓得唔好，我仲瞓到腰骨都痛埋添！卒之最後兩晚我過左夢夢果便打地鋪瞓至好d

 

阿星就瞓呢間套房

仲有獨立厠所添

 

窗外景色唔錯喎

 

不過都未及得廳個露台外面o既景色咁正

 

我地仲日日洗衫添，呢度好好風架，晾得兩晾d衫就乾

 

當日去參觀完廠房同展覽會之後，夜晚我地響新天地想話搵名店「小南國」開飯，但係轉黎轉去都搵唔倒，結果就入左呢間由香港開到上海o既「翡翠」度試下

 

今餐大老爺唔知點解叫左幾樣都係肉，包括頭先果煲無鍚骨，仲有炆牛尾、蔥爆羊肉，結果夢夢都頂佢唔住，叫翻碟白果付竹浸豆苗以示抗議

 

再加埋呢個雲吞

 

同埋呢個好正o既小籠包，全部220都算好抵

 

小籠湯包皮薄多汁，個皮唔小心就會整穿，d湯汁又好好味，賣廿蚊一籠真係非常正！抵俾個第一佢！