陪老爺巡視華東(10a)

第十日 ： 南京 (中華門、紫金山)

今日天氣開始轉冷，天氣預告話會降到2-8度喎。我地尋晚夜媽媽摸入黎住呢間賓館仔，個格局我已經唔係好鍾意，佢地雖然有包早餐，但係得d好簡單o既粥、雞蛋同蒸包，大家求其食左一d就落街嘞。落到樓下，見有間鋪頭賣d湯包好似幾正咁，7蚊一籠又唔貴，所以又食多一餐。朝早落街又唔覺話好冷喎。

食完湯包坐巴士去中華門玩，呢度25蚊入場費都算係合理。中華門係南京古城o既南大門，係朱元璋聽從謀士建議，依據南唐舊城原址擴建，將城牆加厚，依循「高築牆、廣積糧、緩稱王」策略，先打好基礎，再作統一大計，及後果然開創三百年基業。

第二餐早餐，湯包熱辣辣，7蚊8個

 

中華門收25蚊入場費，都算係物有所值。據介紹話呢度本來係南唐都城o既南面城牆，朱元璋搶左過黎之後，將城門擴建，變成宜家見倒o既中華門

 

城樓神高神大，的確係「高築牆」o既典範，「中華門」三個字係蔣介石寫o既喎

 

每個門洞都有一度「千斤閘」，若果有敵兵攻左入黎，就放底度閘，閂埋門困住黎打！

 

初初見呢個招牌，都唔係好明入面係展出d乜家伙，入到去至知係介紹有關中華門o既資料o既

 

以前古城係有13度門o既喎

 

分布響不規則古南京城o既唔同方向

 

最威猛梗係中華門啦

 

又的確係幾宏偉o既

 

仲四圍掛晒紅燈籠添

 

設計分成三層甕城，配合埋「千斤閘」，咁就易守難攻嘞

 

上去城樓o既走道可以俾馬跑上去

 

不過d兵就流左一d

 

望翻落去都幾斜架！

 

呢個女兵響度扮晒野！

 

城樓最高處都仲可以跑馬

 

燈籠都掛左唔少

 

踢足球都得喎

 

三層甕城

 

攻得入一層未必過倒第二層

 

呢d以前係藏兵洞

 

宜家就做左展覽室

 

起城o既磚頭都有故仔？

 

原來每件磚都有記載係邊一度、邊個人做o既，若果幅牆有咩冬瓜豆腐因為質量問題而裂開左，就會憑記錄追究責任！呢個都算係責任制最早o既體現呀吓！

 

中華門o既建成，原來同聚寶盆係有段故o既

 

沈萬三係主角黎喎