第十二日 ：揚州 (瘦西湖、个園) – 鎮江
食完下晝飯坐巴士去遊个園，呢個時候我條腰開始唔聽話，時不時隱隱作痛，真係咩心機都無埋！啱啱大老爺打電話攪緊機票返去，咁就不如叫佢訂早兩日咯。
个園都幾骨子，地方唔算大，但係地方企理舒服。
行完个園出黎，三個人休休閒閒咁響間架啡店下午茶，嘆完杯好正o既「卡巴千奴」之後至返酒店攞翻d行李，跟住就上左去鎮江o既巴士。呢架車好得意，一直去到中途至買票。
我地5點到左鎮江，行左一輪都搵唔倒一間啱心水o既酒店，卒之響一間裝修緊叫做假日酒店o既住落黎，呢度四圍沙塵滾滾，所以標準房減為每晚100蚊，算係咁啦！
住落左就去行街街，我同夢夢兩個入左間鞋鋪睇鞋，夢夢施展佢d絕世講價功力，攪到兩個店員都興合合，十問九不應！大老爺打圓場問佢幾時關門，佢好誨氣咁話「我們不關門！」語氣非常之唔友善，爭在未出聲趕我地出門口啫！
鞋買唔成，行過對面馬路搵左間樓上餐廳食晚飯，5樓人太多我地上左6樓，但係果然人少o既真係唔係好掂，呢間野得四五枱客都做唔切！d野黎得慢都唔緊要，最弊就係水準又唔得！老板埋黎猛咁陪罪，又送毛豆，又送波菜，但係送咩都無用，d食物除左魚頭過得去之外，排骨、多寶魚都唔多新鮮！食完飯無咩好行，就返歸瞓覺。
个園地方都幾靚
仲有萬綠叢中一點紅添
江南園林除左蘇州之外，呢度都算唔錯
呢度都幾似獅子林喎
中間果件太湖石好似魚骨咁
原來係呢度o既名石黎o既喎
行完个園出黎，又響街邊買倒呢d咁趣致o既電話繩
臨別秋波，離開前先響揚州黎個下午茶先，呢個「卡巴千奴」賣相唔錯
大老爺飲o既果汁
加埋呢個肉鬆格仔餅，埋單都要一百過外，唔平架！
嘆完下午茶，就坐巴士去鎮江
黃昏黎到鎮江，搵完住就搵食。呢間樓上飯店唔係好掂，黎完呢兩隻個鴨腳之後，就係一路要等
等左一輪都再無菜上，老闆送左呢個毛豆俾我地食住先
跟住上大白菜
蒸多寶魚唔新鮮！
排骨麻麻！
再等左好耐至黎呢個紅燒魚頭，都係普通貨色！總結一句，就係唔掂！
沒有留言:
張貼留言