第十三日 ： 鎮江 (金山寺、焦山)
唔經唔覺已經黎華東玩左十幾日，都差唔多要返歸咯，大老爺訂左後日機票，所以呢兩日玩埋鎮江，都要返翻南京預備搭飛機。
鎮江又係一個歷史名城，有唔少值得去睇下o既地方，我地揀左金山寺同焦山，金山寺我同老爺以前黎過，但係夢夢係第一次到，金山寺咁出名，所以點都要同佢黎下。至於焦山就大家都未到過，風景都唔錯喎。
今朝一早就坐車黎左金山寺附近
大家都未食早餐，一於就響呢度街邊整翻碗面先，夢夢要粗o既
我就要碗幼o既
面檔有個細路，又同佢玩下先
對面馬路仲多喎！
成隊兵咁添！
玩完細路，就入場睇風景嘞。呢度有塊展板介紹晒鎮江名勝，今日應該去唔晒，要揀一d黎去至夠時間
既然黎到金山寺門口，首先梗係入左呢度先啦
成班人圍實個鼎黎日摸夜摸，想唔蝕都幾難！
獅子都會抗議
度得晒就好咯！
壓住白娘娘o既金山寺塔
我地上次上過去，所以今次唔上咯，留返夢夢自己去探白娘子
老爺就四圍影d飛禽走獸
等埋夢夢響塔落翻黎，我地就搭車黎左焦山公園
呢度地方都幾大，要坐船或者纜車至過倒去
我地揀左纜車去船仔返，於是就上左呢d求其用條鐵線穿住度門o既纜車嘞
好彩車程都係十分八分鐘，長江都唔難過啫
不過長江D水都幾混濁喎
呢個萬佛塔咁醒目，梗要黎睇下啦
據介紹話入面滿天神佛，我與佛無緣，所以就無入去嘞
行落些少仲有座吸江樓
側邊仲有個板橋書屋
原來鄭板橋同老爺一樣，都係無咩頭髮o既喎！大家都係咁上下胡塗，難得！難得！
呢度無咩好，最好就係清清靜靜，的確係隱居o既好地方
但係落到山腳就唔係咁講嘞，呢度有好重o既火藥味
原來呢度同鴉片戰爭有關，當年英國軍艦響呢度攻入南京o既時候，受到相當頑強o既抵抗，展板仲介紹話：若果中國人度度都好好似呢度咁抵抗，英國人當年都幾難打得入南京咁話喎！
沒有留言:
張貼留言