聽朝就會過馬來西亞玩十日，所以今日就同親戚一齊出去行下，但係佢都係帶翻我地尋日去過果度喎，尋日我地就響對面望過黎，今日就入左去空中花園座大廈樓下，不過都無上到樓頂。
表姐一早就帶我地出牛車水，搵左呢檔野食早餐
食咩野？就係呢d薄餅嘞
真野係咁o既，味道唔錯！
午餐時份表姐去左排隊買雞飯，我地就買左三杯野等佢...
等左成大半個鐘佢都未買倒返黎，真係誇張，老爺等飲野等到咀都「木」埋！
下晝又係去行海邊一帶
但係今次就跟住條橋行左去對面
呢條橋幾靚架
對面係邊度？咪就係空中花園囉！
佢樓下係酒店黎o既，都幾多團入住喎
我地無上去空中花園，只不過係跟住商場行下啫
但係行到賭場呢度，表姐就要我地入去浦下喎，原來新加坡賭場呢度，本地人入去係要收100蚊坡仔，我地遊客入就免費，所以佢叫我地入去「賺」翻100蚊喎
但係d財神牛高馬大，你估咁容易俾你搵倒著數咩！我地都係係咁意行左個圈就出翻黎嘞
係呀，出名嘅店需要排隊架
回覆刪除[版主回覆03/15/2011 07:30:00]有時排得太耐就無心機等咯！
呢餐牛車水午餐本來食 "三杯 + 雞", 現在 卻只目食 "三杯冰", 難怪法師木咀, 我都木咀...
回覆刪除[版主回覆03/15/2011 07:31:00]鬼叫人地咁多人捧場咩！加埋新正頭好多檔口都未開，呢d開左o既咪多人排隊囉！
間酒店好靚，國泰有個package三千幾蚊連機票住兩晚，好似幾抵，最衰老公放唔到假！
回覆刪除[版主回覆03/15/2011 07:31:00]叫佢炒老板魷魚，咁咪可以一齊去環遊世界囉！
牛車水 is a good place to eat and eat!! All kind of different dishes..i love it when I was there.
回覆刪除[版主回覆03/15/2011 07:31:00]華人多o既地方就會有好野食，呢個道理響全世界都通行。