兔年春節新馬遊(9)

響檳城停左幾日，今朝逗留多一陣，就要起程去怡保嘞。朝早食完早餐行左入街市，響度買左d炸蒜蓉。尋日訂好車票，今朝9:30就有車黎接我地去車站，10點開出，要成十二點半至到，落車果個車站我地未到過，又唔響市區，於是就上左個馬拉黑鬼架的士入城，佢收我地15蚊，雖然都有咁上下遠，但係後來聽其他的士司機話，應該十蚊就點都夠咯。呢度出名o既係山洞，途中打探行情，問下去遊洞要幾銀，個黑鬼話遊四個洞每洞一個鐘左右，要收150蚊喎，老爺話佢想食人隻車，都廢事啋佢！今次住翻上次住過既怡東酒店，住落左就去搵念念不忘o既阿黃芽菜雞，響酒店問完路，一路行到去都要成半個鐘，卅幾度天氣真係好熱，搵到去都成身汗，食完個好正o既雞加芽菜，四圍行左一陣，就截左架的士去遊極樂洞。

馬來西亞日頭出得遲，成七點半天至光晒，老爺就瞓醒左好耐咯

今朝食完早餐我地去行街市，老爺最鍾意去行魚檔，呢度d馬友幾大條

但係新鮮度就唔多合格嘞

 

呢d魚個樣兇神惡煞，正一牙尖咀利

 

石斑就斯文得多嘞

 

街市另外一便有d乾貨賣

 

我就響度入左好多貨，最正係d細細甖o既炸蒜蓉，食麵加些少落去好正架

 

響街市行翻出黎，沿途係一d地攤，呢度仲有木屐賣喎

 

其中一檔係呢個哥哥響度主持o既，睇落係賣藥油卦，佢個扮相好成功，成班阿叔阿閃俾佢吸引住響度睇佢做騷

 

佢另外有一樣更加成功o既手法，就係人地俾左錢買藥油之後，佢仲要將支藥油當面扭開個蓋，再響個甖度加多些少落去，咁d阿閃就好高興咁收貨嘞，佢對市場心理學真係好有心得！

 

都已經係八點幾，檳城條街都仲係靜英英，人影都唔多個，唔好淨係講朝早，其實呢度成日都係咁上下

 

D人多數匿晒響呢d茶檔度打牙較，難怪熱帶地方經濟係落後過人咯

 

今朝行完街就係時候退房咯，跟住坐左兩個幾鐘車，黎到馬來西亞中部城市怡保，目的就係為左呢檔野嘞

 

為左乜？就係佢d芽菜+雞囉

 

呢度d芽菜肥嘟嘟，食落又爽口，聽講係因為呢度d水質好喎，呢d芽菜香港都食得倒，但係坐過飛機就要賣卅蚊一碟，呢度就賣3蚊馬仔，若莫等於8蚊港紙啦

 

雞就更加無得頂，兩人份量都係十鬆蚊，響香港呢個價連炸雪雞脾都買唔倒

 

咁抵食又好味，所以好快就俾老爺清晒枱嘞，連埋兩個雞油飯，呢度總共盛惠18蚊

 

食完芽菜雞，響條街度行到身水身汗，老爺截左架的士，問下個司機伯伯有咩地方好去，呢個好好人o既伯伯就載左我地黎睇山洞嘞。佢唔講都睇唔出，佢已經七十幾歲罅，仲幾精神喎

 

怡保呢度除左架啡之外，最出名就係呢d山洞嘞

 

阿伯帶我地黎呢度叫做極樂洞

 

佢話睇左呢個山洞，其餘果幾個就睇唔睇都差唔多嘞

 

阿伯好盡責，佢免費做我地導遊，停完車同我地行左一陣之後，諗諗下都要返轉頭上車攞翻個電筒做指示工具，一路同我地入山洞講解

 

遊完洞老爺俾左十蚊車錢之餘，仲俾多30蚊要佢載我地四圍兜市內觀光

 

佢就帶我地四圍遊車河，介紹下當地特色，又帶我地睇火車站，最後我地仲約佢聽朝黎載我地去汽車站坐車去邦咯島

 

響南洋下晝無咩好做，不如入鄉隨俗，一齊嘆下午茶啦

 

呢度d烘多士幾正喎

 

行完一輪百貨公司之後，黃昏時份就摸左入黎呢間餐廳仔，個老板娘好好人，同佢影翻張相先

 

佢介紹我地飲呢杯桔仔冰好正，飲完胃口大開

 

老爺要左個炒飯，睇落幾好喎

 

我就要左個套餐，有兩樣餸，都好好味架

 

食完仲有甜品送，布甸加糖漿似乎甜左一d

呢個煎蕊就唔錯嘞，呢餐馬拉晚餐食左37蚊，都算係咁啦