兔年春節新馬遊(13)

食完午餐，卅幾度氣溫之下加上烈日當空，我唔同老爺咁癲，一於返上房瞓一陣晏覺先。老爺就自己出去沙灘果d大石頭度四圍行，佢仲話響石堆見倒一隻大蜥蝪，淨係條尾都好大喎，真係無佢咁好氣。

我瞓醒晏覺，老爺返黎就同佢落樓下飲下午茶，我地叫左份三文治，本來已經係有一碟薯條跟，但係個馬拉妹待應好似博勤工獎咁，走黎問老爺係咪要多份薯條，老爺來者不拒，亦可能係佢老懵左，總之就整整下整多份薯條黎，呢餐廿蚊o既下午茶，淨係食薯條都食到嘔咁滯！

到左夜晚，響無咩期望之下幫趁左對面間家庭式餐廳，要左個架哩蟹，整出黎反為有d意外驚喜，蟹仔唔大但係勝在夠新鮮，加埋炒米粉都係32蚊埋單，非常抵食！

 

酒店對開個沙灘話好靚就講唔上，但係總算係沙灘一個

正午時份，遊水o既人都無乜

 

老爺唔怕熱，自己走左出黎呢堆大石頭度

呢舊又幾盞鬼喎

佢仲話響度見倒大蜥蜴添，唔知有無作大呢

我瞓醒一覺，又係時候落去樓下飲下午茶嘞

本來十元八塊叫左呢個套餐就咩都夠嘞

但係老爺又應承人地黎多份薯條，結果就薯足成個下晝咯，但係都係廿蚊啫

到左黃昏，唔想行咁遠搵食，就是旦響酒店對面o既家庭式菜館仔食一餐

 

又估唔到呢度o既架喱蟹又幾對板喎，雖然蟹仔細細，但係勝在新鮮，老爺食到忘晒形添

加多碟菜

整碟炒面線添

咁又吔左一餐滿足o既蟹仔餐，埋單32蚊，抵食！