兔年春節新馬遊(19)

聽朝一早就返香港嘞，今日主要都係響表姐屋企攤抖下，但係夜晚都仲有一個相當緊要o既約會要出席，就係同老爺一齊去探我o既好blog友mommy dearest。佢上次返香港果時我地都有出去飲下午茶，講好話我過黎探親一定要打攪佢一餐。

mommy dearest細路女果陣都係植根港澳，但係自從嫁左過黎新加坡之後，相夫教子之餘，仲不斷鑽研厨藝，佢地夫婦又特別好客，成日都響屋企廣宴親朋，我次次響網上見倒佢放出黎d美食相片都流晒口水，今次有幸親嚐呢個星洲厨神o既手藝，都可謂榮幸之至咯。

我日頭就唔出街咯，但老爺又點肯匿響屋入面屈足一日丫！早飯未食佢自己就出左去呢個小區蒲左幾個鐘，到下晝至返黎

到左黃昏時份，就同佢一齊坐的士去拜會blog友mommy dearest，一入屋就見呢隻狗仔好乖巧咁伏響地下，見佢咁得意，連我咁怕狗o既人都忍唔住要摸下佢

佢住呢區係城中綠洲，大約等於香港九龍塘，架的士轉左轉右轉左一輪至黎到，佢已經準備好呢個好精致既沙侓加脆餅歡迎我地

呢個沙侓好清爽開胃，的確係餐前妙品

加埋呢個有d似印度薄餅o既脆餅一齊食，好有特色

跟住mommy dearest就捧左個神高神大o既巴黎鐵塔出黎

呢個就係我地十幾日前食過兩次o既「魚生撈起」嘞，但係佢呢個大製作特別向高空發展，盡顯心思！

側邊果d柚子肉好醒神，宜家見倒都仲流口水！

「撈起」o既主題曲梗係要做足啦，一輪撈到風生水起之後，巴黎鐵塔就變成一盤美味o既煙三文魚雜菜雜果盤嘞

當晚美食停不了，跟住仲有香脆蒜蓉飽……

和味雜菌圈仔粉……

食到老爺耳仔都郁埋o既燒焗雞翼……老爺自己話好食過黃亞華果d喎

食完咁多野，最後仲有幾款五彩繽紛o既甜品添

真係好少食到老爺都叫投降o既，mommy dearest，難怪老爺要叫你做星洲厨神咯！

好彩耐耐至黎一次新加坡咋，唔係老爺實要漲多一個碼啫！

響度真係要多謝mommy dearest熱情o既款待，第日返黎香港記得搵我呀！

食飽飽之後，就要返去執齊野預備出機場咯，因為聽朝一早機，所以我地都係早一晚出機場等幾個鐘，唔洗聽朝一早就嘈醒晒表姐一家人。呢次幾位表姐都整左一d家製糕餅要我帶返香港分俾親友，所以就要點下貨先

半夜機場冷清清，瞓又唔係好瞓得，下次都係唔好揀呢個時候o既機咯！

返黎呢日個雲海好靚，為呢次兔年春節新馬遊劃上完美句號！