中山

元旦假期

原本打算呢個假期出外旅行o既! 但係可能近期大老爺放假放得太頻密，今次人地唔俾佢連放咁多日，所以就去唔成，咁唯有佢自己去釣魚，我就跟夢夢去中山玩幾日算啦!!

成個元旦假期就響中山夢鄉遊遊蕩蕩，一上到去咁啱就踫倒佢有個熟人娶新抱擺喜宴，我見食得唔好嘥，一於跟住夢夢去食翻餐。鄉間喜宴別有特色，菜式又真係唔錯喎! 乳豬全體、鴛鴦雞、豉油王大蝦、多寶魚........

菜式幾豐富o架！

重有帶子添! 幾大隻嫁!!

去飲喎，梗要整整個頭先!

呢個髮型師好nice，重同我影翻左張相添。

呢日失驚無神大老爺又殺左上黎，佢咁為食，梗要同佢去食d勁野啦，好似呢個炖全肘...

另外呢日就響大記開餐

我地一致通過呢個炆魚扣最正！

俾樣野大家估下先? 你話呢個究竟係乜野黎丫?

登!登!登!登! 開估啦!!!!!!

我都唔等你地估啦! 我一於開估啦!  佢個樣雖然似係腰芒，但佢實際係木瓜黎o架!!!! 重係超甜個隻添喎!

第朝早去左呢間順德記食雲吞麵，側邊果間華記食店d野又係好好食o架!

最後一日同夢夢去左打邊爐, 係一人一鍋o架!

我就叫左薯仔蕃茄湯底!幾好味喎！

我最欣賞呢隻冰豆付，老板話將d豆付放入雪格冰佢兩日先，攞出黎打邊爐特別嫰滑o架！

 

成個新年假期就係咁順順利利過左嘞，希望大家新o既一年都心想事成，要果樣有果樣啦！