陪老爺巡視華東(12b)

第十二日 ：揚州 (瘦西湖、个園) – 鎮江

我地行完「長堤春柳」，又沿住湖邊一路行去五亭橋，風景的確唔錯，但係行下行下行左兩個幾鐘，人人都行到好攰，睇下幅圖，都淨係行左四分一左右，於是就坐上一架插晒假花o既電瓶車遊埋北面比較遠o既地方，每人都係俾多10蚊啫，算係相當抵咯。

玩完晒行翻出南門，想話搵路行返去酒店，但係搵極都都搵唔啱路，問下士多老板，經佢指點後，咁至可以響12點前返到去退房。

退好房寄完行李就出去後面街搵飯食，今次由夢夢點菜，佢連點幾樣都係素菜，大老爺見勢色唔對，拿拿聲搶翻個菜牌點翻幾樣肉！大老爺叫左個羊肉好正，蒸蛋水準都唔錯。

 

過左徐園，就繼續我地o既遊程，睇下瘦西湖其他地方

 

柳綠水碧

 

一睇個名「澄鮮水榭」，等我仲以為有鮮橙汁飲添！

 

呢度叫做釣魚台喎

 

乜釣魚台唔係島黎o既咩？

 

鳬莊

 

紅髮魔女攝人魂魄呀！

 

五亭橋

 

相傳話二十四橋明月夜就係形容呢度o既中秋景色喎！

 

所以呢度遊人最多

 

蓮花橋

 

欄干曲折

 

別有韻味

 

假花車

 

真老爺

 

北面交通無咁方便，遊人少d

 

但係風景都唔錯

 

北大門

 

唔知呢個係咩塔呢？

 

遊園小朋友

 

又到開餐時間

 

蒸水蛋唔錯

 

水晶肉賣相好吸引

 

炒雲耳勝在夠清

 

呢d都係夢夢至愛

 

呢個羊肉好正，係老爺o既至愛

 

獅子頭就麻麻啫

 

加埋呢幾個煎得過左龍o既包，就夠晒皮嘞