兔年春節新馬遊(18)

今日下晝就要坐AirAsia返去新加坡，呢張機票好平，只係8蚊坡紙，認真抵坐，雖然仲要俾燃油費同稅，但係計晒都係300蚊港紙左右，貴唔得坐巴士幾多。下晝就要出機場，所以今日都係響酒店附近行下，打發下時間啫。

今朝晨早就俾老爺拉左黎神廟

佢又唔拜神，我話晒都係教徒添

黎呢度做乜鬼呢？

老爺話自己唔拜，都可以睇人地拜家麻

今日唔知係乜誕，一早就好多人黎拜神路喎

呢把刀唔知同關二哥有無關係呢？

老爺四圍影人地，我就無佢咁好氣，坐定定響度睇下呢班善男信女攪邊科先

原來佢地排晒隊係要攞d衣物黎俾呢個哥哥chop個印落去，然後至化俾先人，咁樣會收得妥當d喎！咁係咪即係打郵chop咁上下呢？

呢度d華人就算係後生仔女，都一樣比較迷信，滿天神佛信多幾個會安全d卦

但係佢地對印度教就洒手擰頭，話呢d留翻俾摩囉星喎

睇完神廟老爺至同我去食早餐，呢碗排骨面好勁呀！

佢自己碟油浸炒面就好快食晒，的確係飲油怪一名！

朝早其實我食咩都唔緊要，最緊要係呢杯回魂咖啡

食完早餐就有電四圍行嘞

酒店附近有條行人徑，又入去望下先

行行下始終都係太熱，都係入黎老牌中央市場度避下暑先

午飯時間，老爺唔俾揀第樣，指明再幫趁佢o既至愛南香園雞飯

我都唔拘，因為有呢碟芽菜丫麻

今次再加埋呢個酸甜去骨鳳爪醒下神添

咁又嘆完一餐好正o既南香園雞飯嘞

下次唔知又要幾耐之後至會再坐響呢度咯！

飛機呼一聲就返左新加坡，呢十日食左咁多馬拉食物，印象普通啫，好彩今餐又可以享受翻一晚表姐o既住家靚湯，的確零舍唔同！

佢仲專登留左一件呢d我講唔出名o既糕點俾我地做飯後甜品，老爺食飽飽都仲食得落兩件添！可見味道的確唔錯，今次來去都要麻煩表姐照顧我地，真係要響呢度衷心講聲多謝！多謝！Thanks a lot, sister 4！